تيمو تيموز
عزيزي/ة العضو/ة الان منتدى عشاق تامر حسني اصبح في متناول ايدي الجيمع
فقط لعشاق نجم الجيل كل ما تحب معرفته عنه افلامه اغنيه احدث واججد اخباره انفرادا
Mad:x

تيمو تيموز

منتدى عشاق نجم الجيل تامر حسني
 
الرئيسيةhttp://www.heroاليوميةس .و .جبحـثالأعضاءالمجموعاتالتسجيلدخول

شاطر | 
 

 ليه فى ناس بتكره تامر ؟ تامر مش يستاهل كل الهجوم ده

اذهب الى الأسفل 
كاتب الموضوعرسالة
donia
المدير العام
المدير العام
avatar

عدد المساهمات : 55
تاريخ التسجيل : 30/12/2009
العمر : 24

مُساهمةموضوع: ليه فى ناس بتكره تامر ؟ تامر مش يستاهل كل الهجوم ده   الخميس يناير 14, 2010 1:05 pm

سؤال بقالي فتره كل يوم بفكر فيه
ونفسي يكون ليه اجابه مقنعه علشان الحيره اللي انا فيها دي تنتهي
ليه في ناس مش بتحب تامر ؟
ازاي احنا بنحبه كل الحب ده وفي ناس تانيه مجرد ما اسمه بس بيتقال بتكره ؟
هو تامر يستاهل كده يستاهل كل الهجوم والكره ده ؟


في كتير شايفين ان تامر بيمثل وبيستعطف الناس
في ناس رافضه ان تامر يمثل ويغني ويلحن ويكتب اغاني وكمان قصص افلام
لا وكمان بيقولوا انه مش ناجح في ولا حاجه من دول
في ناس شايفه ان تامر حقق نجاح اكتر من اي مطرب تاني وده اللي دفع بعض المطربين انهم يهاجموه وهجوم المطربين زمايله عليه ادي فرصه للناس العاديه كمان للهجوم والكره كل واحد بيقول بينه وبين نفسه اذا كان زمايله بقولوا عليه كده اكيد هما عارفينه اكتر مننا يبقي اكيد هو بياجر المعجبات وبيمثل علينا
في ناس اخدت موضوع المحنه ضد تامر وزي ما يكونوا مستنين ليه علي غلطه علشان يبرروا كرههم
اللغه اللي تامر بيغنيها في فئه كبيره اوي رافضها وكمان اللوك ناس كتيره برضه رافضاه


طيب يا تري دي اسباب تبرر كرهم ليه ده في وجهه نظري عذر اقبح من ذنب
انا عندي قوله بنكرهه كده وخلاص لله في الله من غير ما يخترعوا اشاعات ويصدقوها


فيها ايه.... لما يكون عاش حياه صعبه ولما نجح اتكلم عنها
علشان الناس تعرف ان نجاحه ده تعويض من ربنا وبعدين لو هو بيمثل هيفضل يمثل عشر سنين
الواحد ممكن يخدع الناس بعض الوقت لكن مش كل الوقت

فيها ايه.... لما يغني ويمثل ويلحن حد فيهم عارف تامر ليه لحن ؟
تامر لحن علشان زمان قبل ما يشتهر كان لما بيروح لملحنين كانوا بيتعمدوا يسمعوه الحان
متصلحش انها تتغني وكانوا بيعاملوا علي اساس انه مطرب صغير واي كلام
تامر كان بيروح ويسال نفسه "انت عايز تقول ايه ؟" ويبتدي يكتب فكره الاغنيه
اللي نفسه يغنيها بعد كده يحولها لكلمات ويلحنها بشكل مناسب
يعني تامر لما كتب لنفسه ولحن كان من ظلم الناس ليه
مكنش عند في حد ولا بياخد حق حد
ولا عايز يعمل كل حاجه علشان يلفت النظر او ميكونش فيه حد غيره
تامر عمل كده علشان مكنش لاقي مساعده وكل حلمه انه ينجح
وفعلا نجح علشان هو كان مصدق الحلم ده من كل قلبه

فيها ايه...... يا مطربين لما تامر ينجح فيها ايه ؟ ليه محدش فيكوا صدقوا ؟
لو انتوا مكانه هترضوا ان حد يشكك في نجاحكوا بالشكل القاسي ده ؟
انتوا بتحسبوا نفسكوا وبتكونوا واعيين وانتوا بتهاجمه تامر بتبقوا عارفين بتقولوا ايه ؟
يعني قاصدين كل كلمه يعني عايزن تدمروا حلم ما صدق انه اتحقق ليه كده؟

فيها ايه لما يسافر مع حلمه وينسي التجنيد علشان عنده ام مسئوله منه
ما كلنا بننسي وده واحد تعب في حياته كتير طعم النجاح والفرحه اتحرم منه زمان
وحس بيه لما الناس حبيته هنفضل بقي نحكمه علي ذنب هو مكنش قصده يرتكبه
هنفضل بقي نزايد علي حبه لبلده ونتهمه خاين زي ما يكون جاسوس لاسرائيل مثلا

فيها ايه لما يكون قريب من الشباب ويحول حياتهم وتصرفاتهم وكلامهم لاغنيه او لفيلم او لكليب
ولا احنا بنعمل زي النعام بندفن راسنا في الرمل
نص الشباب بيعمل حركات تامر وبيعاكس في حياته العاديه
لكن لما تامر يجسد ده ويكون تمثيل في تمثيل نتهمه بالاسفاف والابتزال والانحلال
وهما حلال تصرفاتهم لكن حرام علي تامر يتكلم عنها
تامر بيجسد الواقع بس للاسف كل واحد بيشوف الواقع ده علي مزاجه وزي ما هو عايز


كنت بحاول ادور علي مبرر ليهم اصبربيه نفسي واقول عندهم حق يختلفوا عليه وميحبهوش
لكن مش لاقيه ولا حاجه للكره والهجوم ده

اللي اعرفه ان تامر انسان زيه زينا مش معصوم من الغلط
لو كان عمل اغنيه او كليب او مشهد زعلكوا وانتوا مش قابلينه ده مش سبب
علشان تكرهوا بيه تامر اشمعني تامر اللي مركزين معاه اوي كده؟

حلم عمري زي ما بتركزوا علشان تصطادوا لتامر الغلطات
ركزوا في الخير اللي بيعمله وسيبوه بقي في حاله
علشان كده كتير اوي وظلم كبير منكوا ليه وربنا مبيرضاش بالظلم
ليه محدش اتكلم عن البوم الجنه في بيوتنا وشايفين بس اغنيه شوفي بقي ؟
ليه محدش اتكلم عن الخير اللي بيعمله وشايفين بس المعجبات ؟
ليه تصريحاته اتجاه زمايله اللي كلها تسامح قصاد كلامهم الجارح ليه محدش بيعلق عليها ؟

" تامر ميستهلش كل الكره ده لان لو عرفتوه زينا
لوقررتوا تشوفوه زي ما هو بطيبته وحنانه واخلاصه لينا ولشغله
اكيد نظرتكوا هتختلف كتير وهتقربوا منه
زي ما قررتوا واجتمعتوا انكوا تختلفوا عليه ومخدتوش رائ حد

اجتمعوا برضه علي انكوا تقربوا منه ولو ليوم واحد
وبرضه متخدوش رائ حد
بس علي الاقل ادوا لنفسكوا فرصه تشوفوا عنيكوا بشكل تاني
يوم تسمعوه فيه وتصدقوه لانه مش بيكذب
واكيد هتغيروا رائيكوا "

_________________
لو لم اكن تيمورية لوددت ان اكون تيمورية
تحت ادارة
donia
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://temotemoz.ahlamontada.com
 
ليه فى ناس بتكره تامر ؟ تامر مش يستاهل كل الهجوم ده
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
تيمو تيموز :: مناقشات التيمورية لتامر والموقع-
انتقل الى: